Dora ليالي فبراير: تصويري لعرض دروا المسرحي المباشر

Dora the explorer live

search for the city of lost toys

في الويكند اللي فات وديت اليهال عرض دورا

شريت التذاكر من فانتسي وورلد ورّانا شاشه عالكمبيوتر واخترنا المقاعد

ورحنا للقاعه في ارض المعارض وقت العرض

كان العرض منظم واعداد كبيره من المنظمين موجودين يعطيهم العافيه

حتى بين العرضين مروا وشيكوا عالتذاكر مره ثانيه مثلا اللي دافع ٥ دنانير ومجدم الى المقاعد الاماميه الفاضيه

(ردوهم مكانهم (الصراحه حركه حلوه وحقانيه لازم كل واحد يقعد بالمقعد المخصص له وعلى قد المبلغ اللي دافعه

لكن انصدمنا بكواليتي الكراسي كل التذاكر من ٦٠ دينار الى ٥ دنانير نفس الكراسي ماكو شي افخم للي دافع اكثر

ونوعيه الكراسي الصغار اللي ملبسين خام شغل مو مريح واي كلام

وتقسيمه التذاكر عالشاشه مختلفه تماما عن الواقع

المقاعد على الشاشه مقسمه على السعر كل سعر امامه مساحه

لكن لما رحنا مقسمين الكراسي الى قسمين فقط الاول المساحه قبل ال٦٠ دينار

ووراها ال٤٥ وال٣٠ احس انظلموا اللي ادفعوا ال٤٥ وال٣٠ دينار لان مقاعدهم مافي امامها مساحه مثل اللي كان موجود بشاشه الحجز

والمساحه الثانيه موجوه امام ال٢٠ دينار فقط

لذلك صارت مجادلات وايد على موضوع المقاعد مع المنظمين والبعض يقول لو كنا ندري جان ماحجزنا

على حظي كنت حاجزه المقعد ال٢٠ دينار وكان مكانه وااايد حلو وجدامنا مسافه ومرتفع

انيي حق العرض كان عرض دورا وااايد حلو ومتقن والرقص والحركات متناغمه مع بعض

اليهال استانسوا وااايد  اخليكم مع الصور

المنظمين

حد الاندماج والرقص مع العرض 🙂

عرض وايد حلو ومتقن لكن للاسف المشكله بالقاعه والكراسي وتوزيعه الاسعار عالشاشه غير عن الواقع

وهذا فيديو العرض نفسه

يوتيوب